Jordfeil
Jordfeil kan oppstå ved feil i det elektriske anlegget eller tilkopla utstyr. Jordfeil kan vera konstant eller komme og gå.
Dersom du ikkje har jordfeilbrytar og opplever at nokon får straum i seg, må du kontakta installatør omgåande for å finna feilen. Dersom installasjonen din er i orden, skal ikkje dette kunne skje.
Ein jordfeil kan være svært alvorleg og utgjere stor brann- og berøringsfare.
Jordfeilbrytaren si oppgåve er å kople frå anlegg eller utstyr med jordfeil. Dette for å verna menneske, dyr og eigendom mot elektrisk straum og brann. Det er krav om jordfeilbrytar i alle nyare elektriske anlegg.
Dersom jordfeilbrytaren stadig koplar ut, kan det tyde på jordfeil i eller utanfor huset ditt.
Ditt ansvar
Det er du som huseigar eller installasjonseigar som har ansvaret for at den elektriske installasjonen i ditt anlegg er i god stand og fylgjer forskriftskrava.
Elektriske anlegg skal til ei kvar tid være i forskriftsmessig stand og vera eigna til forutsett bruk. Ref. Forskrift om elektriske lavspenningsanlegg § 9 og § 16
Dersom jordfeilvarsel eller jordfeilvern slår ut, og feilen er i ditt anlegg, er det ditt ansvar å sørge for at feilen blir retta snarast mogeleg. Husk, dersom ikkje anlegget blir kopla ut umiddelbart, bør du utvise forsiktigheit i forbindelse med elektrisk utstyr inntil feilen er utbetra.
Kva kan du gjere om du har mistanke om jordfeil:
Har du ein jordfeilbrytar som er felles for fleire kursar som slår ut, kan du prøva å finna feilen ved å gå gjennom punkta under. Har du jordfeilautomater start på pkt.5 .
Skru ut/av alle sikringar og/eller automatsikringar bortsett frå overbelastningsvernet (hovudsikringen).
Set på att jordfeilbrytaren.
Kople inn ein og ein sikring til jordfeilbrytaren koplar ut att. Du har no funne den sikringskursen som du bør fortsette feilsøking på.
Slå av den kursen som ein skal fortsette feilsøking på. Kople jordfeilbrytaren inn att.
Skru av alle brytarar, varmekablar og liknande og trekk ut alle støpsel på denne sikringskursen. Slå på sikringen att.
Skru på eit og eit utstyr/brytar til jordfeilbrytaren koplar ut att. Du har no mest truleg funne utstyret med feil. La dette utstyret vera fråkopla.
Eksempel på utstyr me ofte finn jordfeil på: komfyr, varmtvannsberedar, lysarmatur, varmekablar, ute-/vegljos, høgtrykkspylar, skøyteleidningar, kaffitraktar med meir.
For utbetring av feil, eller om du ikkje finn ut kva som er gjer at jordfeilautomat/vern slår ut, må du ta kontakt med elektro installatør.
Nettselskapets ansvar
Haringnett AS eig og har ansvar for straumnettet fram til grensesnittet der anleggseigar overtar eigarskap og ansvar. Dette kan være ved grunnmuren din, til tilknytingsskåpet på utsida av bygningen, eller ved luftstrekk til og med klemmene før inntaket i husveggen.
Ein jordfeil som oppstår etter vårt grensesnitt, er utanfor nettselskapa sitt kontrollansvar. Jordfeil er ikkje definert som feil eller mangel med straumleveransen, fordi jordfeilbrytaren ikkje skal kople ut når jordfeil oppstår utanfor kundens anlegg. Når dette likevel skjer er det fordi jordfeilbrytaren ikkje er tilpassa det elektriske anlegget den skal beskytte, som igjen fører ansvaret tilbake til eigar/brukar av anlegget.
Nettselskapet har ansvaret for å følge opp lokalisering og utbetringa av ein jordfeil, der ein skal sette ein utbetrings- og klagefrist til eigar av installasjonen der jordfeilen oppstår.
Det kan være vanskeleg å lokalisere ein jordfeil, da den kan være både permanent eller komme og gå. Nettselskapet har plikt til å fjerne ein jordfeil frå nettet snarast mogeleg, men seinast innan 4 veker. ref. Forskrift om elektriske forsyningsanlegg § 5-2:
§ 5-2
Anleggets isolasjonsnivå skal være tilpasset anleggets utførelse slik at pålitelig drift sikres.
Anlegget skal ha automatisk utkopling eller feilindikasjon ved jordfeil i anlegget eller tilknyttede installasjoner. Ved jordfeil i anlegget eller tilknyttede installasjoner må jordfeilen utbedres eller utkoples snarest mulig og senest innen 4 uker.
Ynskjer du å klage på nettselskapets handtering av jordfeil kan ein gjere dette til Elklagenemnda.
Ansvar for eventuelle tap eller skader som fylgje av jordfeil er regulert fleire stader.
For forbrukarkundar er forhold beskrive i Standardavtale for nettleie og tilknytning og Forbrukarkjøpsloven.
For næringskundar gjeld i hovudsak Standardavtale for nettleie og tilknytning for næringskunder.